பச்சோந்திகளானது இடத்திற்கு ஏற்ப தோலின் நிறத்தை மாற்றிக் கொள்வதுடன் ஒரேசமயத்தில் பல திசைகளிலும் பார்க்கக் கூடிய கண்களைக் கொண்டுள்ளன.
இந்நிலையில் பச்சோந்தி போன்று உலகை ஒரே சமயத்தில் பல திசைகளில் பார்க்க உதவும் தலைக்கவச உபகரணமொன்றை லண்டன் பல்கலைக்கழக கல்லூரியைச் சேர்ந்த ஆய்வாளர்கள் உருவாக்கியுள்ளனர்.
‘பொலிஐஸ் 2.0’ என அழைக்கப்படும் மேற்படி உபகரணமானது கணினியொன்றுடன் இணைப்பைக் கொண்ட புகைப்படக்கருவிகளையும் காட்சிப் புலத்தை பிரதிபலிக்கக் கூடிய திரையையும் கொண்டமைந்துள்ளது. இந்த அகலமான தலைக்கவசம் சுத்தியல் தலை சுறாமீனின் தலையையொத்த வடிவமைப்பில் தயாரிக்கப்பட்டுள்ளது. இந்த உபகரணத்திலான தொழில்நுட்பம் பயன்பாட்டாளருக்கு 180 பாகை கோணத்தில் பார்வைப் புலத்தை வழங்குகிறது.
