இந்திய கிரிக்கெட் அணியின் அணித்தலைவர் மஹேந்திர சிங் டோனியின் நண்பர் சந்தோஷ் லால் இன்று காலை மரணம் அடைந்தார். இந்திய கிரிக்கெட் அணியின் அணித்தலைவர் டோனியின் நெருங்கிய நண்பர் சந்தோஷ் லால். இவரிடமிருந்து தான் டோனி ஹெலிகொப்டர் ஷாட்டை கற்றுக்கொண்டார்.
இவருக்கு கடந்த வாரம் திடீரென கடுமையான வயிற்று வலி ஏற்பட்டது. இதனையடுத்து ராஞ்சியில் உள்ள குருநானக் மருத்துவமனையில் கடந்த 12ம் திகதி அனுமதிக்கப்பட்டார்.
இவரை பரிசோதித்த மருத்துவர்கள் கணைய வீக்கம் இருப்பதை கண்டுபிடித்தனர்.
இதனையடுத்து டெல்லிக்கு கொண்டு செல்லப்பட்ட லால் இந்திரபிரஸ்தா மருத்துவமனையில் அனுமதிக்கப்பட்டார்.
லண்டனில் விடுமுறைக் கழித்து வரும் டோனி லாலின் நிலையறிந்து அவரின் மருத்துவ செலவை ஏற்றுக் கொண்டார். இந்நிலையில் சிகிச்சை பெற்று வந்த லால், சிகிச்சை பலனின்றி இன்று காலை மரணமடைந்தார்.
