கொழும்பு 7, தர்மாபால மாவத்த பிரதேசத்தில் சட்டவிரோத சூதாட்ட விடுதி ஒன்று சுற்றி வளைக்கப்பட்டு 83 பேர் கைது செய்யப்பட்டுள்ளனர்.
நேற்று (01) இரவு குற்றத்தடுப்பு பிரிவினருக்கு கிடைக்கப்பெற்ற தகவலின் அடிப்படையில் இச் சுற்றி வளைப்பு மேற்கொள்ளப்பட்டுள்ளது.
இதன்போது சூதாட்டத்தில் ஈடுபட்ட 80 பேர் மற்றும் அவ் விடுதியை நடத்திச் சென்ற மூவர் என 83 பேர் கைது செய்யப்பட்டுள்ளதாக பொலிஸார் தெரிவித்தனர்.
இங்கிருந்து 95 ஆயிரம் ரூபா பணமும் பொலிஸாரால் கைப்பற்றப்பட்டுள்ளது.
கைது செய்யப்பட்ட சந்தேகநபர்கள் இன்று (02) மருதானை பொலிஸாரினால் மாலிகாஹந்த நீதவான் நீதிமன்றில் ஆஜர்படுத்தப்படவுள்ளனர்.
