நடிகர்கள் முரளி மற்றும் வடிவேலுவுடன் ‘சுந்தரா டிராவல்ஸ்’ என்ற நகைச்சுவை படத்தில் நடிகை ராதா முக்கிய வேடத்தில் நடித்தார். தற்போது சீரியல்களில் நடித்து வருகிறார்.
இந்நிலையில், நடிகை ராதா மற்றும் அவரது மகன் தருண் மீது பிரான்சிஸ் ரிச்சர்ட் என்ற இளைஞர் விருகம்பாக்கம் காவல் நிலையத்தில் புகார் அளித்துள்ளார். அந்த புகாரில், ராதாவும் அவரது மகனும் சேர்ந்து தன்னை தாக்கியதாக சிசிடிவி வீடியோ ஆதாரத்துடன் பிரான்சிஸ் கூறியுள்ளார்.
இதுகுறித்து வழக்குப்பதிவு செய்து போலீசார் நடத்திய விசாரணையில் பிரான்சிஸ் ரிச்சர்ட் கொடுத்த புகார் உண்மை என தெரியவந்துள்ளது. நடிகை ராதா மற்றும் அவரது மகன் தருண் பிரான்சிசை தாக்கும் சிசிடிவி காட்சிகளை போலீசார் ஆய்வு செய்தனர்.
இதுகுறித்து தீவிர விசாரணை நடத்திய போலீஸாருக்கு ஏற்கனவே இரு தரப்பினருக்கும் இடையே முன்விரோதம் இருந்தது தெரிய வந்துள்ளது. நடிகை ராதாவை கேலி செய்ததாக ரிச்சர்ட் மீது ஏற்கனவே ஒரு வழக்கு நிலுவையில் உள்ளது குறிப்பிடத்தக்கது. இதனால் அவர்களுக்கு இடையே மீண்டும் பிரச்னை ஏற்பட்டுள்ளதாக போலீசார் தெரிவித்தனர்.
சில ஆண்டுகளுக்கு முன்பு நடிகை ராதா, தனது இரண்டாவது கணவர் வசந்தராஜா தன்னை அடிப்பதாக காவல் நிலையத்தில் புகார் அளித்து பரபரப்பை ஏற்படுத்தினார்.
