தனக்கு துரோகம் செய்த தனது காதலியையும் அதன் காதலனையும் அடித்து துவம்சம் செய்யும் பென்குயினின் வீடியோ இணையத்தில் வைரலாகி வருகிறது.
பென்குயின்கள் கூட்டம் கூட்டமாக கடற்கரை அருகில் நின்று வெயில் காய்ந்து கொண்டிருக்கின்றன. தனது காதலி வேறொரு பென்குயினுடன் சுற்றுவதைப் பார்த்து விட்ட ஆண் பென்குயின் ஒன்று, தனது காதலியின் காதலனைக் கொத்தி சண்டையிடுகிறது.
இரண்டு பென்குயின்களுக்கும் இரத்தம் வந்துவிட, தனது காதலனைக் கூட்டிக்கொண்டு அந்த பெண் பென்குயின் வேறு இடத்தை நோக்கிச் செல்கிறது.
இதனால் மேலும் ஆத்திரமடைந்த ஆண் பென்குயின் தனது காதலியையும் அதன் காதலனையும் அடித்து துவம்சம் செய்கிறது.
இந்த சண்டையைப் பார்த்த ஒருவர் அதனைப் படம்பிடித்து இணையத்தில் பதிவேற்றிவிட்டார்.
தனக்கு துரோகம் செய்யும் துணையைத் தண்டிக்கும் குணம் மனிதர்களுக்கு மட்டுமே உரித்தானது அல்ல அது பறவைகள் உட்பட அனைத்து உயிரினங்களுக்கும் பொதுவானது என்பதை இந்த வீடியோ விளக்குகிறது.
