பாகிஸ்தான் கிரிக்கெட் அணியின் முன்னாள் அணித் தலைவர் வசிம் அக்ரம் அவுஸ்திரேலியாவைச் சேர்ந்த ஷனாரியா தொம்சனை மறுமணம் செய்யவுள்ளதாக தெரிவிக்கப்படுகின்றது.
இந்த நிலையில் 47 வயதான வசிம் அக்ரம் அவுஸ்திரேலியாவைச் சேர்ந்த ஷனாரியா தொம்சன் ஆகியோரின் திருமண நிச்சயதார்த்தம் அண்மையில் நடந்தது. இதை தொம்சனின் குடும்பத்தினர் தெரிவித்தனர். இந்த ஆண்டு இறுதியில் திருமணம் இடம்பெறவுள்ளது.
வசிம் அக்ரம் ஷனாரியா தொம்சனை 2011 ஆம் ஆண்டு மெல்போர்னில் முதல் முறையாக சந்தித்தார். அப்போது அவர்களுக்குள் காதல் ஏற்பட்டது. ஷனாரியா தொம்சன் இஸ்லாம் மதத்துக்கு மாறிவிட்டார். திருமணத்துக்கு பிறகு அவர் பாகிஸ்தானில் குடியேறுகிறார்.
இந்நிலையில் இது குறித்து வசிம் அக்ரம் தெரிவிக்கையில்
நான் மீண்டும் திருமணம் செய்வேன் என்று நினைத்து பார்க்கவில்லை. நான் அதிர்ஷ்டக்காரன் தான் மீண்டும் காதல் உருவானது மிகுந்த மகிழ்ச்சி அளிக்கிறது என்றார். மனைவியை இழந்த பிறகு வசிம் அக்ரம் நடிகை சுஷ்மிதா சென்னுடன் நெருக்கமாக இருந்தார். அவரை திருமணம் செய்து கொண்டதாகவும் தகவல் வெளியானது. இதை இருவரும் மறுத்து இருந்தனர்.
வசிம் அக்ரமின் மனைவி ஹுமா கடந்த 2009ஆம் ஆண்டு ஒக்டோபர் மாதம் 25 ஆம் திகதி சென்னையில் உள்ள தனியார் மருத்துவமனையில் சிகிச்சை பலனின்றி உயிரிழந்தார்.
வசிம் அக்ரமுக்கு முதல் மனைவி ஹுமா மூலம் 15 வயதில் தைடூர் என்ற மகளும், 12 வயதில் அக்பர் என்ற மகனும் உள்ளனர். இருவரும் கராச்சியில் வசிக்கின்றனர்.
சிறந்த வேகப்பந்து வீச்சாளரான வசிம் டெஸ்டி போட்டிகளில் 414 விக்கெட்டுகளையும், ஒருநாள் போட்டிகளில் 502 விக்கெட்டுகளையும் கைப்பற்றி உள்ளார்.
