கொலிவுட்டில் விஜய் மற்றும் ஷங்கர் கூட்டணி மீண்டும் ஒரு புதிய படத்தில் கைகோர்க்க இருப்பதாக தகவல்கள் வெளியாகியுள்ளன.
கடந்த ஆண்டு விஜய் நடிப்பில் வெளியாகி மிகப்பெரிய வெற்றி பெற்ற படம் நண்பன். இதில் விஜய்யுடன் இணைந்து ஜீவா, ஸ்ரீகாந்த், இலியானா, சத்யராஜ் உள்ளிட்டோர் நடித்திருந்தனர்.
பிரமாண்ட இயக்குனர் ஷங்கர் இயக்கியிருந்தார். நண்பன் படம் இந்தியில் வெளியாகி வசூல் சாதனை புரிந்த 3 இடியட்ஸ் படத்தின் ரீமேக் தான்.
சொந்தக் கதைகளை இயக்கி வந்த ஷங்கர் முதன் முறையாக இந்தி படமான 3 இடியட்ஸை தமிழில் ரீமேக் செய்தார்.
தற்போது அறிமுக இயக்குனர் நேசன் இயக்கத்தில் ஜில்லா படத்தில் நடித்துக் கொண்டிருக்கும் விஜய், மீண்டும் ஏ.ஆர்.முருகதாஸ் இயக்கத்தில் நடிக்கவிருக்கிறார்.
அதன் பின்பு மீண்டும் ஷங்கர் கூட்டணியில் புதிய படத்தில் இணைய இருப்பதாக தகவல்கள் வெளியாகியுள்ளன.
மெகா பட்ஜெட்டில் தயாராகவிருக்கும் இப்படத்திற்கு விஜய், இயக்குனர் ஷங்கருக்கு மொத்த கால்ஷீட் கொடுத்திருப்பதாகவும் கூறப்படுகிறது.
ஷங்கர் ஐ படத்தை முடித்த பின்பு விஜய் படத்தை இயக்குவதாகவும், அதுமட்டுமின்றி விஜய், 2014ம் ஆண்டில் முருகதாஸ், ஷங்கர் படத்தை தவிர வேறு யாருக்கும் கால்ஷீட் கொடுக்கவில்லை என்றும் தகவல்கள் வெளியாகியுள்ளது.
