விஷுவல் கம்யூனிகேசன் படித்த இளைஞர்கள் உருவாக்கிய ‘உ’ என்ற தமிழ் படத்தின் இசை வெளியீட்டு விழா நேற்று வடபழனியில் நடைபெற்றுள்ளது.
இவ்விழாவில் சிறப்பு விருந்தினராக தேனப்பன், இயக்குனர் விக்ரமன், யூ.டிவி, தனஞ்செயன், எஸ்.எஸ். குமரன் ஆகியோர் கலந்து கொண்டுள்ளனர்.
இவ்விழாவில் கலந்து கொண்ட அனைவரும் இப்படம் வெற்றி பெற வாழ்த்து தெரிவித்துள்ளனர்.
இப்படத்தில் கதை நாயகனாக தம்பி ராமையா வருகிறார். இவருடன் 4 இளைஞர்கள் நடிக்கிறார்கள்.
பீனிக்ஸ் பிக்சர்ஸ் தயாரிப்பில் உருவாகிய உ படத்தை ஆஷிக் இயக்குகிறார். இப்படத்தில் 25-க்கும் மேற்பட்ட புதுமுகங்கள் நடிக்கிறார்கள்.
சென்னை, கொடைக்கானல், திருநெல்வேலி, அம்பாசமுத்திரம், பாண்டிச்சேரி ஆகிய பகுதிகளில் படம் பிடிக்கப்பட்டுள்ள இப்படம் விரைவில் திரைக்கு வரும் என எதிர்பார்க்கப்படுகிறது.
